Аҧснытәи баритон Саид Габечиа, есышықәса имҩаҧысуа «Concorso Lirico Tullio Sefarin» (Тулли Сефарин Аоператә еицлабра) далахәын, аиааирагьы игеит. Рашәарамза 7 рзы Виченза Аолимпиатә Театр аҟны еиҿкааз аиҧылараҿы иҳамҭа здызкылаз Габечиа, цәыббрамза 9-10 рзы имҩаҧысраны иҟоу Vicenza in Lirica захьӡу афестивал аҟны Волфганг Амадеус Моцарт иопера «Cosi fan Tutte» ароль хадақәа ируаӡәку Гуглиелмо ироль наигӡоит.
