Сақариа Аҧсуа Ахеидкыла Ҧхынҷкәынмза 15 аҽны, Севҭаҧ Ачыҧҳа лгәалашәара иазкны шьажьхьа еиҿнакааит. Зеинеҧ Селчуқ Шьаргьельиа Севҭаҧ Иандашь Ачыҧҳа данлыхцәажәа ашьҭахьы акциаҿы, Сақариа Аҧсуа Ахеидкыла анапхгаҩцәа рхада Орал Қобашь Бганба, аҭааицәа иҭабуп ҳәа реиҳәит. Аиҳабы Ершьан Џьесур Аиагба, Адунеизегьтәы Абаза Конгресс Ҭырқәтәыла ахаҭарнақ Буленҭ Озбелли Аҩыӡба, Сақариа ҧасатәи адепутат Енгьин Озқоч Ҭаскоч’гьы рҳәоуқәа рзы ақәгылара рман.