Аҧсны Ҳабер анаҧхгаҩы, активист Леуан Лагәлаа, Исҭанбул, Дузџье ақалақьқәа рҿы иеиҿкааз аиҧыларақәа рҿы, адиаспора ахаҭарнакцәа дрылахәны, Аҧсны, ааигәа политик аизҳазыҕьарақәа, демократиа, азакәан хада аиҭакра (реформа), атәыла аҧеиҧш зеиҧшрахо ирызкны идырра рлеишит.
Раҧхьатәи аиҧылара, Ҧхынҷкәынмза 11 рзы, Исҭанбул Аҧсуа Культура Ахеидкыла азал аҿы лахәла рацәала еиҿкаан. Ахантәараҿ, Леуан Лагәлаа иаамышьҭахь, Гәында Анқәаб (аиҭагаҩы), Аҧсуа Хеидкылақәа Рфедерациа ахада, Аҭрышьба Левенҭ Белин идтәалан. Иеиҧшыз аиҧылара Ҧхынҷкәынмза 12 рзы Дузџье Аҧсуа Культура Ахеидкыла азал аҿы, 60 ҩык рлахәыларала имҩаҧсит. Ахантәараҿ, Леуан Лагәлаа, Федерациа ахада Левенҭ Белин, Дузџье Ахеидкыла ахада Кәаӡба Илҳан Қыимеҭ идтәалан. Аиҧылара, Дузџье Адыгье Культура Ахеидкыла анаҧхгаҩцәеи, алахәлацәеигьы иалахәын.
Аҩ аиҧылараҿгьы, Лагәлаа, жәларыбжьара аизыҟазаашьа аганахьала идырра, иҧышәарала, Аҧсны азакәан хада ареформа, алхра амҩаҧысра, Урыстәыла аизыҟазаашьа енергьи азҵаара, налаҵаны акырӡа тема дрзааҭглит. Аҧсны аҧеиҧш азы, диаспора жәлар рроль ишҷыдо иҳәит. Аҧсныгьы, диаспорагьы рмчқәа еибыҭаны, еицҿакны абжьыргара ишшьахәхоу азгәаиҭит.
