Мы мазэм и ещэнэрей (3.) махуэм и пщыхьым; зыпымычыу, зыкӏэлъыкӏуэу жиӀа ди бзэ уэрэд дахэхэмкӏэ Нэхущ Чэрим дызыщӏиуӏэфащ.
Сэ, илъэс щэщӀырэ блы ипэ, япэ дыдэ Хэкум сыщыкӏуам щыгъуэ, си анэш Бейкалды Мухьэмэд дирихьэщӏэу Чэрим щӏалэ дыдэу (17-18 гъ.) къыдбгъэдэсауэ и макъыми дедэӏуауэ щытат.
Кайсэри Къалэм щыдихьэщӏэу, илъэс плӏыщӏым еблэгъа гукъинахэр, и гу къэзгъэкыжу, мы махуэхэм зыхэхьэну и ныбжьыщӏэхэмкӏэ сехъуэхъуну сыхуэкӏуащ.
Нэхущ Чэрим утыку къыщихьам щыгъуэ, пшынауэ ӏэзэхэр Вэрокъуэ Валэри, Жу Къайхан, Кайсэри Адыгэ Хасэ къафакӏуэ гуп «Ашэмэз», ахэм ДжэгуакӀуэ, Хьэтхакӏуэ ӏэзэхэр игъусэу жиӏа уэрэдхэмкӏэ къедаӏуэу хъуар къыдэжьыууэ, зы пщыхь хуэбагъэ, дахащэр зыдэдгуэшаш.
Сызыхэплъахэм нэхъ дахэ дыдэ къысщыхъуар; «псынэ» гупым хэт ди щӏалэ цыкӏухэм, уэрэд жыӏэпӏэ пащхьэм къекӏуалӏэу, Чэрим дэжьууэ, гъусэ зэрыхуэхъуаращ… Ди щӏэблэ цӏыкӏухэм бзэр ящӏэкъым… жытӏэу дытхьэусыхэми:
-Уэрэдым и бзэри ди бзэщ! жыдигъэӏэщ…
Къыкӏэлыкуэну махуэми Мэрсин къалэм дэс, ди лъэпкъэгъухэм яхужиӏэнущ, ди Адыгэ уэрэдхэр.
Упсэу! Нэхущ Чэрим, и гъуса гуп дахэхэ…
Ди гуми, ди нэгуми зиужьащ.
Фефӏакӏуэ ди лъэпкъэгъухэ, фефӏакӏуэ!
Дэнэ фыщыпсэуми!
Ди бзэр фӏурылъу Фефӏакӏуэ!
