Тинеущэ епхыгьэ тигугьэхэм зыкьаlэтыгь
Тыркуе диаспорэм къэлэ зэфэшъхьфхэм ащылажьэрэ хасэхэм мыгъэ културэм искуствэм ылъэныкъокlэ lофыгъошхохэр зыгъэцlэкlагъэ творческэ купхэм, хасэхэм ахэлэжьагъэхэм апае концертхэр къатыгъэх. Ныбжьыкlэхэм кьэгьэльэгьонхэм гьэхьагьэ ин щашlыгъ, тикlэлэцlыкlухэм чанэу зыкьагьэльэгъуагь тагъэгушхуагь.
Хасэхэм мыгъэ илъэсыр зэраухыгъэр
-Сакаря Културэ Хасэм и Къэшъокlо Купэу Нартхэм, Мэкъуогъум и 14-м Сакаря хьаблэу Бахчещехир Конфренцие Залым илъэсыр къашъохэмкlэ зэфахьасыжьы гъ.
-Кайсери Кавказ Хасэм Мэкъуогъум и 13-14-15-м lэшlагъэхэм ыкlи лъэпкъ шхыныгъохэм, шlухьафтын lэпэщысэхэм къэгъэлъэгъон зэхищагъ. Ахэр щэфакlохэм ащэфыгъэх. Къэгъэлъэгъоным игухэлъ, lэпэlасэхэр ахэм къыкlэкlорэ lахьщэмкlэ Хасэм lэпэlэгъу фэхъунхэр ары.
-Кавказ Черкес Хасэм, илъэс зэфэхьасыжьыр Мэкъуогъум и 15-м Префесер Доктер Адем Бащтюрк ыцlэ зыхьырэ Културэм и Гупчэ щызэхищагъ.
-Станбул Щылажьэрэ Черкес Културэм и Унэ, Буйликдюзю дэсхэр зэнэlосэнхэ фаех, иджыри зэ зыкъядгъэшlэнхэ фэшl сценем «Тыщыныбжьыкl» зыфиlогъэ джэмакъэр иlэу Мэкъуогъум и 15-м илъэсыр зэфихьасыжьыгъ. «Ильэси 7-м щыублагъэу илъэс 77-рэ» зышъхьа къашъохэм якъэгъэлъэгъон Къутыжъ зыфиlорэ кlэлэцlыкlу къэшъокlо купыри хэлэжьагъ. Нахьыжъхэр зытетыгъэ сценэм Барс ыкlи Азар зыцlэ къэшъокlо купхэри къытехьагъэх.
-Самсун Черкес Хасэм 1988-рэ илъэсым щыублагъэу къэшъокlо купэу 1994-рэ илъэсым Нарт Кlэлэцlыкlу Клуб ашlыжьыгъагъэм и я 30-рэ илъэс Мэкъуогъум и 15-м «Нартхэм Шъурагъэблагъэ» ыlоу Къэлэ Администрацием Културэм и Гупчэ щигъэмэфэкlыгъ.
-Кайсери Кавказ Хасэм и Кlэлэцlыкlу Клуб Псынэ зыфиlорэм илъэсым икlэух пчьыхьа зэхахьэ Мэкъуогъум и 21-рэм Културэм и Гупчэ Эрджиес щыриlагъ. Бетал Иванов ащ хэлэжьагъ.
-Станбул Кавказ Културэ Хасэм и лъэпкъ къэшъокlо куп, Мэкъуогъум и 21-рэм илъэсым ыкlэм пчьыхьа зэхьэ иlагъ. «Мафэм Нахьи Нахь Кlахь Тичэщхэр» зышъхьа пчьыхьа зэхахьэм зэкъош орэдхэм, Университет Богазичи и Фолклерный Ансамблэу Хакан Эрай Эртюрк ыгъасэхэрэм зыкъщагъэлъэгъуагъ. Пчьыхьа зэхахьэм кlэух фэхъугъ «Черкес-Адыгэ джэгухэм апсэ иджэмакъэхэу сценкэхэр, лъэпкъ къашъохэр, орэдхэр».
-Къалэу Сивас Темыр Кавказ Културэ Хасэм илъэс кlэухыр зэфихьасыгъ. Хасэм и Кlэлэцlыкlу Клубэу Дышъэпс, мыгъэ егъэджэнхэу «Адыгэ Хабзэ» щеджагъэхэм сертификатхэр аратыжьыгъэх. Егъэджакlоу Ирина Йылдыз ишlуагъэкlэ кlэлэцlыкlухэм бзэм изэгъэшlэн дакlоу, хабзэм, яльэпкъшlэжь ыкlи лъэпкъ културэм хэщагъэ хьугъэх.
-Анкара Черкес Хасэм Мэкъуогъум и 22-рэм илъэсыыкlэм изэфэхьасыжь Гъэсэныгъэмкlэ Министерством Щюра Залым щызэхищагъ. Кlэлэцlыкlу Къэшъокlо Купэу Элбруз, орэдыlо купэу Бадин, хэкум икlыгъэ орэдыlохэу Теунэ Жьамал, Къодз Залим, Хьарэдурэ Динэ, Къунащэ Сайхъат хэлэжьагъэх.
-Дюзджэ Адыгэ Хасэм илъэсым икlэух Мэкъуогъум и 22-рэм Беяз Бахче Кыр Дюгюню гупчэм щызэхищагъ. Къэшъокlо купхэу Мэзэнэф, Тызэгъус, Тыгъэнэф ыкlи Тинэф, пщынэо купэу Уарарида хэлэжьагъэх, сценкэхэр къашlыгъэх, усэхэм къяджагъэх, орэдхэр къаlуагъ, лъэпкъ къашъохэр къашlыгъэх. Лъэпкъ шхыныфгъохэр, lэшlагъэхэр къэгъэлъэгъоным, кlэлэцlукlухэм анэкlухэм сурэтхэр атешlахьын ыкlи ахэр гъэгушlогъэнхэр хэтыгъ.
-Биледжик Бозуюк Темыр Кавказ Хасэм Мэкъуогъум и 25-рэм, Метристепе зыфиlорэ Културэм и Гупчэ илъэсым ыкlэр щигъэмэфэкlыгъ. Пчыхьа зэхахьэм Лlэй ыкlи Хьамарджа зыфиlорэ пщынэо купхэр хэлэжьагъэх.
-Къалэу Бурса Черкес Културэ Хасэм, Хасэр зызэхащагъэм и я 60-рэ илъэс пчыхьа зэхахьэкlэ хигъэунэфыкlыгъ. Ататюркым ыцlэ зыхьырэ Културэм и Гупчэу Меринос, Мэкъуогъум и 28-рэм щызэхищагъ. Пчыхьа зэхахьэм Академи Бланэ ащ хэлэжьагъ. Академи Бланэ зызэхащагъэр мыгъ илъэс 20-зэрэхъугъэри ащ хигъэунэфыкlыгъ.
-Къэшъокlо купхэу Нарт Энсембле, Мэзэнэф ыкlи Ридадэ зыхэлэжьагъэ «Кавказ Ныбжьыкlэ Фестивалыр» къалэу Сакаря, Сапанджа Кыркпынар Гъэмэфэ Щагу Тиатрэм Мэкъуогъум и 29-рэм щыкlуагъ.
-Кайсери Кавказ Хасэм и Къэшъокlо Купэу Ащэмэз «Жьым и Орэдышъо» зышъхьа къэгъэлъэгъон Кадир Хас Конгресс Гупчэм щызэхищагъ Бэдзэогъум и 5-м.
