Илъэс 16-кlэ узэкlэlэбэжьым, Шамил ыцlэ зыхьырэ Гьэсэныгъэ ыкlи Културэм lэпэlэгъу Езытырэ Фондым щызэхащагъагъ Адыйуф зыфиlорэ Лъэпкъ lэшlагъэхэм я Еджапlэ-Ателие. Ащ щылажьэхэрэм я 11-рэ яунэе къэгъэлъэгъон къалэу Эскищехир къыщзэlуахыгъ. Ателием итхаматэ Цэй Бенгюн Гюл. «Ижъырэ Черкес Лъэпкъ lэшlагъэхэр Непэрэ Щыlакlэм Егъэкlугъэн» зышъхьа кьэгъэлъэгъоныр lоныгъом и 5-м Эскищехир, Апчь Гъэкlэрэкlэн Искуствэм и Музей къыщзэlуахыгъ. Ащ фэгъахьыгъэ къэбарыр Жьынэпсым пае къэзытхыгъэр Чушъхьа Ёзлем Айдэмир. Щамил ыцlэ зыхьырэ Гьэсэныгъэ ыкlи Културэм и Фонд иунэшъошlэу Кlокlо Дженгиз Гюл къызщыгущыlэгъэ къэгъэлъэгъоным цlыф бэдэдэ къызэрекlулlагъэм игугъ къышlыгъ. Зэхахьэм къыщыгущыlагъэ lэпэlасэу Адыйуф щылажьэрэ Хьамиет Явуз Ателием игухэлъхэм ягугъ къышlызэ; Черкес Лъэпкъ lэшlагъэхэр зэлъядгъэшlэн, искуствэм ихэхьоныгъэ ахэр хэлэжьэнхэ фэшl ижъырэ хабзэу ахэлъым тыдэмыхэу, тинэущэрэ мафэхэм ахэр гъуазэ афэхъунхэр ары-ыlуагъ.
Нэужым Эскищехир кьалэ иунэшъошlы lэнатlэ зыгъэцакlэрэ Хьусеин Ёрюк, мыщ фэдэ осэнчьэ кlэн лъапlэхэм якъэгъэлъэгъон бысым тызэрэфэхъугъэр къэлэ администрациемкlэ инэу гуапэ тщыхъугъ ыкlи тырэгушхо.
Къалэм игубернатерэу Хьусэин Аксой игущыlэхэр хэушъхьафыкlыгъэу щытыгъ. Черкес културэр зэринэlуасэр, ар зэкъош къалэхэм акlэтхэнэу Самсун игубернатэрызэ Мыекъуапэ зэрэщыlагъэр, игугукъэкlыжьхэмкlэ къыlотагъэх, нэужым фондым иунэшъошlыхэр игъусэхэу къэгъэлъэгъоныр къызэlуихыгъ. Къэгъэлэгъон баим lоныгъом и 21-рэм нэсэ еплъыгъэх.
