КIэтхыкIыжьэкIо чан

0
826

«КIэтхыкIыжьыным сырилIыхъужъ» зыфиIорэ Урысые флешмобым Адыгеим икIэтхыкIыжьакIохэр хэлажьэх. Мы мафэхм Джарымэкъо Аслъан адыгэ шъуашэ щыгъэу шым тесэу ащ зэрэхэлажьэрэм фэгъэхьыгъэ видео къэралыгъо статистикэмкIэ Федеральнэ къулыкъум Краснодар краимкIэ ыкIи Адыгэ РеспубликэмкIэ и ГъэIорышIапIэ иинс- таграм къихьагъ. КIэлэ ныбжьыкIэм гущыIэгъу тыфэхъугъ. 

Аслъан кIэтхыкIыжьэкIо чанхэм ащыщ. КъызэрэтиIуагъэмкIэ, цIыфхэм адэгущыIэныр сыдигъуи шIогъэшIэгъонэу щытыти, кIэтхыкIыжьакIоу кIонэу рихъухьагъ. Егъэджэныр къин къыщыхъугъэп, удостоверениер къызыратым IофшIэныр ригъэжьагъ. Урысые флэшмобым шIогъэшIэгъонэу хэлэжьагъ, республикэм икультурэ зэрэдунаеу аригъэшIэным фэшI адыгэ шъуашэр зыщилъагъ, шым тетIысхьагъ. 

-СыгукIэ сыфаеу IофшIэныр езгъэжьагъ. Черемушкэм щыIэ участкэу № 39-р ары сызэпхыгъэр. Мафэм унэгъо 22-25-рэ къэткIухьаныр типшъэрылъ. ЦIыфхэр зэфэшъхьафых, нахьыбэрэмкIэ нэгушIохэу къытпэгъокIых, ау къахэкIых кIэтхыкIыжьыным мэхьанэу иIэр къызгурымыIохэрэри, къаIорэм зэрар горэ къафихьынэу къызышIошIыхэрэри. Ащ фэдэ къыхэкIымэ, Iофым изытет агурытэгъаIо, кIэтхыкIыжьыныр къэралы- гъом пшъэрылъ шъхьаIэу къыгъэуцухэрэм зэращыщыр ятэIо. 

КIалэм къызэриIуагъэмкIэ, анахьэу унэм исхэу зытефэхэрэр нэжъIужъхэр ары, ахэм нэгушIохэу къапэгъокIых. Пандемием ыпкъ къикIыкIэ санитарнэ шапхъэхэр шIокIимыIэу зэрахьэх. Сымаджэхэр зэрыс унагъохэми аIухьэхэу къыхэкIы, ащ фэдэ зыхъукIэ е пчъэр фэшIыгъэу, е телефонкIэ упчIэхэр аратых.

(Адыгэ макъ) 

Делэкъо Анет 

CEVAP VER

Lütfen yorumunuzu giriniz!
Lütfen isminizi buraya giriniz