Лlшэ Метин Кылыч, Жьоныгъуакlэм и 14-м лlыкlохэр зыщхадзыщт мафэм Уцушъо Сэмэгу Партии хэтэу Анкара и я 3-рэ раион илlыкlоу зыкъыгъэлъэгъугъ, а 1-рэ чlыпlэм ит
Къалэу Биледжик къыщыхъугъэ Лlышэм, мыщ ыпэрэ парламент хэдзынхэм, 2015-2018-рэ илъэсхэм партиеу ХДП (НDP) хэтэу зыкъщигъэлъэгъогъагъ.
Парламентым хэхьанэу макъэ къызегъэlум Метин Кылыч, Гъэзэтэу Дувар иlофышlэу Пелин Акдемир гущыlэгъу фэхъугъагъ, Лlышэм, Черкесхэм ягумэкlыгъохэр къыlэтынхэу, Черкес Личностыр зэкъоуцоным фэлэжьэн фэшl правителством хэхьанэу зэрэфаем игугъ ыкъышlызэ; «Сицlыкlугъом щыублагъэу Черкес Културэ Хасэхэм сахэтыгъ. Гумэкlыгъохэм афэгъахьыгъэу нэбгэ зырыз гупшысэхэм нахьый лъэпкъыр зэдеусэзэ аухэсырэ екlолlакlэхэм амакъэ сыхъузэ, ахэр сикlочlэгъухэу тылъыкlотэщт. Мыщкlэ тиъусэхэу тигъогогъухэр щыlэх, ахэм къыздырагъэштагъ, лlыкlоу зыкъэзгъэлъэгъуагъ».
Бианет (Bianet) иlофышlэу Хикмет Адал, Мэлылъфэгъум и 9-м къытхыгъэ статям, Лlышэ Метин мары къыlуагъэр: «Черкесэу Парламетым хэтыгъэхэм джырэ нэсэ Чекесхэм ягумэкlыгъохэр ащ къыщаlэтыгъэхэп. Сыда пlомэ, зыхэт патиеу ахэр къэзгъэлъэгъугъэхэм япрограмэхэм мыщ фэгъахьыгъэу зы гущыlэ нэмыlэми ахэтэп. Ащ къыхэкlэу Черкес личностым пае лэжьэн амал агъотыгъэп.
Ау, Партии ХДП (HDP) ыкlи Уцушъо Сэмэгу Партии япрограмэхэм ащыщ, лъэпкъхэм яльэпкъшlэжь, яшlошъхъуныгъэхэр зэрэфаехэу зэрахьан, зыкъаухъумэжьын амал яlэныр. Непэ къызэнэсыгъэм ХДП-м тэ мыхэр тигъуазэу тыхэтыгъ. Социялист личностыри, Черкес личностри зыдэтlыгъэу…»
Лlышэ Метин КАФФЕД итхьамэтэ гуадзэу зыщытыгъэ 2015-рэ илъэсым, бэдзэогъум и 20-м къалэу Шанлыlурфа и паселкэу Суруч зэlукlэм ИГИЛ иlорышlэ бзэджашlэм зыкъщигъэожьыгъ, ащ хэкlодагъэх ишъхьагъусэу Козапхьа Ферданэрэ икlалэу Лlышэ Нартанрэ.
