Нобэрей мы си псэлъащхьэр, лъэныкъуиткlэ егъэзауэ тэпсэлъыхьын, тегупщысэхьын хуэйщ. Ущыпсэукlэ урохьэлlэ; Ущедаlуэм щыгъуэ жиlэхэм, къипсэлъхэм урешажьэ. lуэхушхуэ ищlэу, сытемынэ ищlэрэ, мы къомыр дауэ хузэфlэкыу пlэрэ жыуигъэlэу улъогъуазэ, укlылъоплъ. Къиlуэта и лэжьыгъэхэр, дэнэ нэса? Жыуигъэlэу, ухуэнэрыгъыу.
А къыжиlахэм упэплъэу зыри щомылъагъум щыгъуи гурыщхъуэ уегъэщ. Мыбы жиlэхэм лъэгу щlэмылъыу пlэрэ, тlэкlу щlикlыу пlэрэ… Жыпlэным унигъэсу… Зытет дыдэр дымыщlэу мыбы хуэдэ цlыху куэд урохьэлlэ. Псалъэнкlэ lэзэу, зы къом хузыфlэкl хуэдэу уигъэлъагъуэу. Игъэзащlэ зыри щымыlэу… Мис мыбы хуэдэхэм папщlэ хузырахьэ псалъэу къыщlэкlынщ:
«БАТЭ ГЪЭШЫН» псалъэр. Къипсэлъымрэ, ищlэмрэ зытемыхуэу [щlэнэкlэн, гъэемыкlун (ироник) псалъэу].
ГЪЭШЫР ЗЫГЪЭБАГЪУЭ!
Гъэшыр, а гъэм шэ къызыщlашхэм кыщlаш шэмрэ, ахэм хэщlыкlа шэхэкlхэращ. Мыбыхэм шэри шатэри, шхури, кхъейри, тхъу цlынэри, тхъу гъэвэжари, тхъу щlэжыри хэгъэхьэ.
Мыхэр быгъэбагъуэ пфlэфмэ; Пщlэ lуэхур фlыуэ лъагъу. Ефlакlуэну зыхуэныкуэхэм егупщыс. Гъэшыр къызыщэпшым и lусым лъыгъуазэ, хуэныкъуэмэ хэгъахъуэ.
Узэлэжьыр къолэжьыжынщ.
А гъэшыр багъуэнщ.
И щlэкlыри, lэфl хъунщ.
Къыщыпlэрыхьэми пфlэф хъунщ.
Мис иджы сызытепсэлъыхьынур, сыгъэлагъуэну сфlэфlыу сызыхуер, зы лэжьыгъэщ. Бзэм теухуауэ къыдэкlа, Тыркубзэ зыщlэхэм хуегъэзэкlауэ, Къэбэрдей псалафэ щlыкlэм хухэхауэ, пщlыурэ уэзгъащlэ, уезыгъаджэ тхылъщ. И Фэщыгъэ цlэр: «БЗЭРАБЗЭ», «BZERABZE»Щ.
Къэзылэжьахэр: Тыркум (Анадолэм) къалэ щхьэхуэхэм щыегъэджакlуэрэ пэт, щэхуу, щымыу тысхэри я гупщысэхэри, я лэжьыгъэхэри зыхьалъхьэри, я lэдакъэ щlэкl, мы лэжьыгъэ дахэр утыкум кырагъэхьащ.
Мы тхылъыр зытхахэр тlури бзылхугъэщ. Зыр Физикэм хуеджауэ хуэlэзэу (Энджынир) и егъэджакlуэщ.
Адырей тхакlуэр, Химя-бийологям хуеджауэ хуэlэзэщ. Кlэлъыкlуэу бзэ къудамэ (филологя) иухауэ, Урысыбзэ, Адыгэбзэми и егъэджакlуэщ.
Ди тхакlуэхэм кlэщlыу дытепсэлъыхьынщ.
ГЪУЭГУНОКЪУЭ (ГЪУКLЭ) ЭЛИЗАВЕТЭ
Кабэрдей/Балкар кралыгъуэм Налчик Къалэм, дунейм къыщытехьащ. Физик къудамэми, и нэхъыщхьэми щеджащ. Физик егъэджакlуэу щылажьэми, Институм къыдигъэкl «Гъуазэ» щlэныгъэ журналыми тэкникым хухэха и тхакlуэт. Тырку кралыгъуэм бищкэк щиlэ Лlыкlуапlэм Гъасэным и чэнджэщэгъуу щылэжьащ. Анадолу Университет Туризм Факултетым Урысыбзэ егъэджакlуэу щылэжьащ. Эскищэхир Адигэ Хасэм Урысыбзэ, Адыгэбзэ щыригъэджащ. Туризмым хухэхауэ Урысыбзэкэ 1-2 тхылхэр къыдигъэкlащ. Щlыбым пщэ щызыгъуэт тхыгъитху (5) къыщыдигъэкащ…
ТЭНАЩ ТАМАРА
Къэбэрдэй/Балкар Кралыгъуэм Тыжьей (Кыщпэк) къуажэм дунейм къыщытехьащ. Кралыгъуэ Унивэрситэм Химя- биологиа къудамэр къиуха нэужь, Филологя къудамэри къиухащ. Урысыбзэ, Адыгэбзэм и егъэджакlуэщ. Хамэ щlыпlэ къикlахэм теухуауэ Урысыбзэкlэ гъэсэн къудамэм и Доцэнт Докторщ. Тыркум Кайсэри Калэ Эрджиес Унивэрситэ Урысыбзэмрэ и литэратурэ къудамэм щыегъэджакlуэщ. Щэныгъэм, пэдагогям тэухуауэ лэжьыгъэ бжыгъэ куэд къилэжьащ. Урысей Кралыгъуэм, щlэныгъэ, гъасэныгъэм тэухуа нэхыщхьэм и щытху тхылъ. Кабэрдей/Балкар Кралыгъуэм, щlэныгъэ, гъасэныгъэм тэухуа нэхъыщхьэм и щытху тхылъ. Кабэрдей/Балкар Парлементом и щытхъу тхылъхэр кыхуагъэфэщащ.
Мы «БЗЭРАБЗЭ» тъылъымкlэ Адыгэбзэр зэзыгъащlэ зыфlэфlхэм лъабжьэ хуэхъуну, зыхуныкъуэхэр щигъуэтыну дифlэщ мэхъу. Дыщогугъу. Дыщlэгугъэри Адыгэбзэм и къакlуэнуми щlэдзапlэ, ежьапlэ хуэхъуну, хуэхъужыну, мыбы хуэдэ лэжьыгъэ дахэхэри зылъагъум, хъуэпсапlэ хуэхъуу къызэрыпищэнуращ. Ари бзэр хъумэным и зы гуфlэгъуэщ.
Мы тхылым хэлъ фыгъэхэм я нэхъыщхьэр, иджырей дуней еплъыкlэм хуегъэзэкlауэ, щlэныгъэ lэщагъэхэр зэрыдэщlыгъуаращ. «Карэ код» (кумылэ) зыфlэща щlэныгъэ лэжыгъэм къыхэкlыу, тхыгъэхэм макъкlэ уедэlуэфынущ. Тегъэзэжауэ, зыхомыщlыкlа макъхэм зэрыз зэрызу зэбгъэщlэху ухэдэlуэхьыфынущ. Теплъэхэмрэ, тхыгъэхэр зыдэlэпыкъуэгъу хъууэ зэгъэщlэгъуафlэ ищlынущ. Псалъэ тхыгъэхэм плъыфэ зэхъуэкlахэим зыхэхуауэ гурыlуэгъуафэ зэрыхъунум и нэщанэщ. Нэми, тхьэкlумэми зыдэщlыгъуу, хузэгъэпэща зы лэжьыгъэщ.
«БЗЭРАБЗЭ»м тхыпкъылъэкlэ щlедзэ. Тхыкъ макъхэр зэрызыу «кумылэкlэ» егъэlу. Тхыпкъ зещэ, дэгуашэ, текъузэкlэ щlыкlэхэр егъэлъагъу…
Уэхъус зэхыкlэхэр. Зыбгъэдэхьэу, щызыбгъэдэкlыжым щыгъуэ зэжыраlэ псалъэхэр…
Щыlэцэхэр, закъуэ бжыгъэ, куэд бжыгъэ…
Плъыфэцlэхэр, зыгъэлъагъуэ цlэпапщlэхэр, зэлъытыныгъэхэр. Цlэпапщэ дыдэхэр…
Унагъуэ, лъэпкъ, благъэхэр…
Бжыгъэ цlэхэр. Лэжьыгъэцlэхэр. Псалъэ зэпыщlэхэр…
Щапхъэ куэдкlэ гъэбэгъуауэ, гъэнщlауэ, зы лэжьыгъэ зэкlуж хъуащ. Ныбжьыщэри, ныбжыфlэри хэзэгъэну, зыlэпишэуэ езышэжьэн зы лэжьыгъэм ухешэ. Пхузыпымыкlыу уиришажьэуэ. Зыр зым жэкlэ кlэлъыкlуэу.
Мы тхылъыр кытlэщlэхьэным, зи lэдакъэ щlэкl, тхакlуэхэм нэмыщl; зи фыгъэ lыхьэ хэлъхэр мащlэкъым. Тхьэм псори игъэузыншэхэ, тхьэм игъэпсэухэ. Ауэ мы ди бзэгъуитым я цlэр къыхэзгъэщмэ сфlэфlщ.
Бзэр зыхъумэр зезыхьэращи, зырихъумам хуэдэу, зыхъумэн щэблэ куэди игъэсащ, иригъэджащ. Джылахъыстэней щыщ ди лъэпкъэгъу ДЗЭЩОКЪУЭ АХЬМЭД.
Физик щlэныгъэм и егъэджакlуэ, Тыркум, къалэ куэдым, «Мэтропол» зыфlэща еджапlэхэр зиlэ, мы щlэныгъэ гупышхуэм и унафэщ нэхъыщхьэ. Лъэпкъым, абы епха тхылъ къыдэкlыным, гуэшынымкlэ, зи фlыгъэ куэд тлъагъу КLЭНЭТL РАLУФ.
Зи цlэ зыхужыпlэф лъэпкъыр бзэ зиlэращ. И бзэр хэкlуэдауэ, и цlэр куэдым ямыщlэж лъэпкъ куэд щlыlэщ. «Уи бзэр пхъумэмэ, ез бзэми уехъумэж.!»
И бзэр зэзыгъащlэ зыфlэфlхэм, зэзыгъащlэжыну яужь итхэм хуегъэзэкlа зы тхылъ зэкlужщ. Зыlэщlэвгъэхьэ. Зивгъэlэ. Фылыхъуэми щывгъуэтынур «мэтропол»ыращ.
Мы «БЗЭРАБЗЭ» тхылъым, лэжьгъэшхуэ тезыгъэкlуэда ди щlэныгъэлэжь, егъэджакlуэхэм:
ГЪУЭГУНОКЪУЭ ЕЛИЗАВЕТА, ТЭНАЩ ТАМАРА Узыншэу, гуфlэгъуэкlэ, ефlакlуэу псэуну…
Пщlэшхуэ яхуэфащэу…