Жьоныгъуакӏэм и 21 1864
Черкес лъэпкъгъэкӏодыр…
Черкесхэр яхэку игъэкӏыгъэныр…
Ыкӏи непэрэ мафэр
Жьоныгъуакӏэм и 21, 2025…
Ти кӏэлэцӏыкӏухэм хьафэу къаӏытхыгъэ тилъэпкъшӏэжь, тигушъхьалэжьыгъэ (тикултурэ) къэтыухъумэшъун, неущэрэ мафэм етхьылӏэшъун, икӏэрыкӏэу зедгъэужыжьыным игъогу пхырыттхъушъун фэшӏ; 2025-1864: илъэси 161-рэ зытшӏагъэр зэфэтхьасыжьын кӏэу зыгорэхэр шӏэгъэнхэ фае.
1) 1800-рэ илъэсхэм тятэжъ пӏашъэхэм ячӏыгу Кавказым къыщтэхъулӏагъэ лъэпкъгъэкӏод
ыкӏи хэку игъэкӏыным пае зэфэныгъэм фэшӏ,
2) Хэхэс чӏыгум тызэрыс къэралыгъо пэпчъ тилъэпкъшӏэжь шъхьафитэу дгъэпсэун фэшӏ…
Зигугъ къэтшӏыгъитӏур дгъэцэкӏэным пае шъхьаихыгъэу политикэм тыхэтын фае.
Политикэр; А е Б партиим дедгъэштэзэ ащ тыригъусэу тызекӏоным ичӏыпӏэджэ ар сэмэгу, мыдырэр жьабгъу тӏом зыдгощызэ тэ зэпэӏапчьэу зытэшӏы. Ар щыдгъэзыен фае. Тилъэпкъшӏэжь (Личност) къэтыухъумэн дгъэпсэун, тигушъхьалэжьыгъэ тыбзэ ищхэпсэу зэхэтпшъэн, дунэе културэ зэмышъогъухэм ащыщэу ар ахэдгъэуцоным гъогу фызэӏутхын фэшӏ ищыкӏагъэр политикэр ары, ар сыд фэдэми сыдэу щытми теубытагъэ хэлэу тыдэлэжьэн пае зыпкъ зыпчьэгъоу тыхъун фае. Къызщедгъэжьэн фаер тэры, апэу ар тэ тыублэн фае. Тэ ткӏуачӏэджэ тигъэгу екӏурэ лъагъор хэтхын фае…
Илъсипшӏы пчьагъэхэм зэпыблагъэу лъыкӏуатэрэ хасэ е куп зэхэщагъэхэм ыджыри зы ахэдгъэхьожьынэу арэп. Нэбгырэ пэпчь иунаеу ылъытэрэ хасэ, фонд, федерацие, платформ (гупчэ) зыфэпӏон фэдэхэр щымыӏахэу тлъытэн, ӏэкӏыбы тшӏынэуи щытэп ау, «Тэри тышыӏ» тӏошъун фэшӏ.
Тыркуе диаспорэм ыкӏи дунэе гупчэхэм тэри гу къытлъатэн тыщзэлъашӏэн фэшӏ. Зэӏозашӏэу къэхьущт къашӏэщтхэм о уй уйй мардж тымыӏоу тилъэпкъшӏэжь пае ищыкӏагъэр тыфызэшӏокӏын тшӏэшъун, ядгъэшӏэшъун фэшӏ.
Дунэе лъэпкъхэм ягупчэ игъогу занкӏэ тэри тытетэу тилъэпсэ дгъэпытэу тызэгъусэ зыхъукӏэ; тызщыпсэурэ къэралыгъохэм тадэгощэшъущт, яцӏыф жьугъэхэр къытщыгъозэщтых, ӏофэу етхьыжьэрэм ымакъэ лъэщыщыт. Тэр тэрэу тызэупчӏыжьын, лъэпкъ хэдзынхэм тахэлэжьэн ыкӏи зытыуплъэкӏужьыщт. Зыпкъ зыпчьэгъу шъыпкъэу тыхъушъущт. Тыркуе диаспорэм къыщетхьыжьэрэ ӏофыгъом, зэрэдиаспорэу зэлиштэн ыкӏи егъэжьапӏэ лъэш хьун ылъэкӏыщт. Дунэе мэхьанэ иӏэу тыззэрэугъоишъукӏэ; тызщыпсэурэ къэралыгъо пэпчь а зы пӏалъэм тызэлъыӏэсышъущт, а зы ӏофыгъом тыщыгъозэшъущт, тызэхэтэу тимакъэ дгъэӏушъущт.
Хабзэ тфэхъугъэу Хасэхэр тиӏэх; тигумэкӏхэр ятхьылӏэхэу, упчьэжьэгъу тащзэфэхъоу, хэкӏыпӏэхэм тыщяусэу. Ахэм ащаштэрэ унашъохэм лъэпкъыр арэгъуазэ.
Мыщ хэхьожьынэу тызфаер конгрес тиӏэныр. Тыркуем щыпсэухэрэм ялӏыкӏохэр зыхэлэжьэрэ зэӏукӏэ щыӏыгъэу ЧЕРКЕС КОНГРЕС зэхэщэгъэныр ары.
