‘Хымҧада, иахьыҟазаалак, ҳаиашьаратә жәларқәеи ҳареи ҳаимадара иҵегьы иӷәӷәахароуп, иҭбаахароуп’

0
1580

Атаман Кәыџба

-Ҳаҭыр зқәу Нодар Виктор-иҧа Ҷанба; шәнапы злаку аус закәу, изеиҧшроу, хықәкыс иамоу…
2018 ш. инаркны аус зуеит С.Ҷанба ихьӡ зху Аҧсуа ҳәынҭқарратә драматә театр адиректор хадас иара убас Аҧснытәи аҳәынҭқарратә хортә капелла адиректорс.
Атеатр аҟны иқәҳаргылоит еиуеиҧшым апиесақәа, лымкаала, зҿлымҳара аҳҭоит аҧсуа драматургиа. Иара убас атеатр аҟны еиҿкаауп ахәыҷтәы студиа “Нарҭ”.
Атеатр аҿы иқәыргылоу аспектакльқәа иреиуоуп: Ф. Искандер иҩымҭа ала “Махаз”,
У. Шекспир иаҧҵамҭа ала “Ромеои Џьулеттеи”, Ф.Г. Лорка иҩымҭа ала
“Бернарда Альба лыҩны”, иара убас Аҧсуа театр ахыбраҟны имҩаҧысуеит
аконцертқә, алитературатә хәылҧазқәа.
Аҧснытәи аҳәынҭқарратә хортә капелла апрограммаҟны иҟоуп аклассикатә музыкеи аҧсуа жәлар рашәақәеи. Акапелла аколлектив алахәуп аҳәынҭқарратә концертқәа реиҧш, Аҧсны анҭыҵгьы имҩаҧысуа афестивальқәа, изныкымкәагьы аҧхьахәқагьы агахьеит.

-Аҧсуа ҳәынҭқарратә драматә театр анысмҩа хыҵхырҭас ишәыҧхьаӡо…
Ишдыру еиҧш, 1921 ш. Д.Гәлиа инапы ианҵан аҧсуа адраматә гәыҧ аиҿкаара. Абри анаҩс, 1931 ш. аҳәынҭқарратә театр аҿы иаҧҵан раҧхьаӡатәи аҧсуа драматә студиа. Ари астудиа иааӡеит Аҧсны еицырдыруа актиорцәа Лео Касланӡиа, Азизи Разанбеии Аграа, Екатерина Шакирбаи, Шә.Ҧачалиа уҳәа уб.егь. Иахьа аҧсуа актиорцәа ирывагыланы қәҿиарала аус руеит Қарҭи, Москвеи, Санкт-Петербурги атеатртә ҵара иалгаз абиҧара ҿыцқәа. Аҧсуа театр ашьақәгылареи аҧхьаҟа аҿиареи рҿы ллагаламҭа дууп раҧхьатәи аҧсуа профессионалтә режиссиор Нелли Ешба.

-Апсуа театри Ахортә капеллеи уажәтәи аҭагылазаашьеи ҧхьаҟатәи аҧеиҧши…
Аҧсны Аџьыньтәылатә еибашьра ахҟьа-ҧҟьақәа, ҳәарада, аибашьра ашьҭахьтәи ашықәсқәа раан аҧсуа культура ианымҧшыр амуит. Ҳазҭагылоу аамҭазгьы
Аҳәынҭқарраҿы иҟоу афинанстә ҭагылаазашьа шыуадаҩугьы, атеатргьы акапеллагьы аҿиара иаҿуп, аҧеиҧшгьы шамоу агәра угартә иҟоуп.

– Аҧсуа диаспора ахаҭарнакцәеи урҭ хылҵшьҭрала ирзааигәоу Кавказ ажәларқәа рбызшәеи ркультуреи реиқәырхаразы иҟаҵатәу…
Хымҧада, иахьыҟазаалак, ҳаиашьаратә жәларқәеи ҳареи ҳаимадара иҵегьы иҕәҕәахароуп, иҭбаахароуп. Ҳарҿиаратә коллективқәа еигәныҩлароуп, еиҿцаалароуп. Имҩаҧгалатәуп еиуеиҧшым аконкурсқәа, афестивальқәа, ателерадиотә программақәа, иҟазароуп аҧышәеимдара. Аҧсуа диаспора ахаҭарнакцәеи урҭ хылҵшьҭрала ирзааигәоу Кавказ ажәларқәа ҳареи еиҳарак ҳаидызкыло, ҳаиашьара змырӡуа акәны иҟоуп даара еизааигәоу аҧсуа-адыга бызшәақәа. Урҭ реиқәырхаразы, рырҿиаразы, раҧхьа иргыланы, еиҿкаалатәуп аҭҵаарадырратә експедициақәа, имҩаҧысуазароуп наукала аҭҵаара, зҿлымҳара аҭатәуп абызшәақәа ззымдыруа дырҵара, ирыларҵәатәуп абызшәақәа реиқәырхареи рырҿиареи ирызку еиуеиҧшым аусмҩаҧгатәқәа.

***

Нодар Виктор-иҧа Ҷанба

Aдирижиор, акомпозитор, Аҧсны Жәлар рартист, аҟазараҭҵаара акандидат,
Парижтәи Жәларбжьаратәи аҭҵаарадыррақәа ракадемиа «Арарат»
алахәҩы-акорреспондент, Саратовтәи аконсерваториа Еизаку асахьаркыратә
ҭҵаарақәа рцентр иналукааша аҭҵаарадырратә усзҩы.
Далгеит П.И. Чаиковски ихьӡ зху Москватәи аконсерваториа азанааҭқәа – «Ахәортә дирижиорреи» «Аопера-симфониатә дирижиорреи» рыла.
Акыр шықәса аус иуан Аҧсны Аҳәынҭқарратә хортә капелла асахьаркыратә
напхгаҩыси дирижиор хадаси.
16 шықәса аус иуан Аладатәи Кореиа ауниверситет апрофессорс, Аладатәи Кореиа аҳҭнықалақь- Сеул аоркестр адирижиорс.
Дықәгылахьеит Аҧсны, Урыстәыла, Германиа, Аладатәи Кореиа, Франциа.
Н.Ҷанба Жәлар рфорум «Аидгылара» аҧҵаҩцәа дыруаӡәкуп.
1991-1993 шш. – Аҧсны Аҵареи акультуреи рминстрс дыҟан.
2018 шықәса инаркны Самсон Ҷанба ихьӡ зху Аҧсуа ҳәынҭқьарратә драматә театр
Адиреrтор хадас дыҟоуп.

Дҭаацәароуп, хҩык ахшара имоуп.

 

Атаман Кәыџба

CEVAP VER

Lütfen yorumunuzu giriniz!
Lütfen isminizi buraya giriniz