«Орэдым псэкIэ зыратынэу къэшьонхэу зэкIэхэми сафаджэ»

0
1014

Адыгэ Къэралыгъо Академически КьэшьокIо Купым икъэшьуакIоу Шагудж Батурай бэ мышIэу «Урысые Федерацием Изаслужнэ Артист» цIэр къыфагъэшъошагъ. ИлъэсыбэкIэ узэкIэIэбэжьым Тыркуем къикIыжьи Адыге Респуликэм кIожьыгъэ къошьокIо цIэрыIом гущыIэгъу тыфэхъугъ.


-Батурай сыкъыпфэгушIо къэралыгъом цIэ лъапIэу къыпфигъэшьошагъэм пае. Хэкум укъэкIожьынэу зэрэхъугъэм тыщыбгъэгъозэна…

-Тхьаоегъэпсэу, 1993-рэ илъэсым Анкара лицеир зыщысэухым, апшьэрэ еджапIэм сычIэхьанэу Мыекъуапэ сыкъэкIонэу исхъуахьыгъ.

Сятэшыр Мыеъкьуапэ дэсыгъэти, Хэкум къэзгъэзэжъыныр ащ нахь къыгъэпсынкIагъ. Ау хэкум сыкъэкIожъыным нахь сыкIэзгъэгушIугъ 199I-рэ илъэсым Тыркуем Налмэсыр къызэкIом, Анкара концертэу къыщитыгъагъэм. Ащ фэдэ къэшьокIо купышхор зыщыпсэурэ къалэм сыщыпсэуныр сэрыкIэ зымыуасэ щыIагъэп, синыбжьыкIэгъу сыфэIажэщтыгъэп. Ащ фэшI Адыгеим сыкъэкIожъыным сенэгуягъэп.

-Хэкум укъызэкIожъым къиныгъохэм уарихьылIагъа?

-Хэкум сыкъзэкIожъым утегущыIэнэу къиныгъо сырихьылIагъэп. КьызэрэсIуагъэу сятэшыр Мыекъуапэ щыпсэущтыгъ,сызэрысын сиIагъ.

Анахь гумэкIыгъоу сиIагъэр бзэ зэрэсымышIэрэр арыгъэ. Адыгабзи урысыбзи сшIэщтыгъэп. Къэралыгъом изэхъокIыныгъэ тыкътефагъэти щыIакIэр зыпкъ итыгъэп, гумэкIыгъогорэхэр щыIагъэх ау, 1993-рэм джыри илъэс 17-м ситыгъ нэмыкI, хэкум сыхэгъозэжъыгъ, бзэм нэмыкI гумэкIыгъо сиIагъэп.

Урысыбзэр университетым сычIэхьаным ыпэу мэзэ заулэкIэ, Адыгабзэр Налмэсым сызхахьэм зэзгъэшIагъ.

-Налмэсым укъщышьоныр къэшъуакIомкIэ гушхуагъу, урыпэгэнэу щыт. О налмэсым укъщышъоныр сыда къызхэпхыгъэр?

-УблэпIэ еджапIэм сычIэсызэ икъэшъокIо куп сыхэтыгъ. Ащ Тыркуем ис лъэпкъхэм якъашъохэр щызэзгъэшIагъ. Тэ тилъэпкъ къашъохэри гуетыныгъэ ин хэлъэу тэ хэхэс Адыгэхэм зэдгъашIэщтыгъэх, тыкъашъощтыгъ. Хэкум сикъэзэкIожъым Мыекъуапэ щыпсэущтыгъэ синыбджэгъу БрантIэ Жьанбый 1994-рэ илъэсым Налмэсым фэзгъасэхэрэ купым аштэгъагъ. Сэри Налмэсым сыкъщышъон зэрэхъущтыр къызгурыIуагъ, къыкIэлъыкIогъэ илъэсым зязгъэтхыгъ. Мэзибгьу гъэхьазырынхэм ауж къэшъуакIо ныбжьыкIэхэр зыуплъэкIурэ комиссием сыпхырыкIыгъ, 1996-рэ илъэсым и жъоныгъуакIэ мазэ Налмэсым саштагъ, илъэс 24-рэ сыкъщышъуагъ. Аужырэ илъэс 12-м Налмэсым хэхьащт къэшьокIо ныбжьыкIэхэр езгъэджагъэх, къашъохэм афэзгъэсагъэх. Илъэс зыгъэпсэфыгъом сызыкIуагъэр илъэс хъугъэ, ау джыри Налмэсым сыщэлажьэ, къэшъуакIо хъунэу фаехэр кориографэу Iоф сэшIэ.

-ТапэкIэ сыд фэдэ гухэлъха уиIэхэр? Уигухэлъхэм къашьом сыд фэдэ чIыпIа щаубытырэр?

-Илъэс 16-хъугъэу «Мыекъуапэ Инэфылъэхэр» зыфиIорэ кIэлэцIыкIу къэшъокIо купым хэт сабыйхэм садэлажьэ. Езгъаджэхэрэм ащыщ бэхэр Мыекъуапэ Инэфылъэхэм ыуж, Мыекъуапэ дэт искуствэ еджапIэхэм ачIэхьагъэх. Илъэс 25-рэ хъугъэу, кIэлэцIыкIу еджапIэхэм ыкIи Налмэсым гуетыныгъэрэ гушхуагъэрэ афисиIэу сащэлажьэ.

КупитIуми ТапэкIэ, ыпэкIэ лъыкIуатэхэзэ гъэхьагъэ ашIыным пае зэрэсфэлъэкIэу садэлажьэ.

Къашьор щыIэныгъ, къэралыгъо къэшъокIо купым сахэмытыжъыщтми, професиянальнэу лъэныкъо пстэуми сищыIэныгъэ щыщынэу сыфай.

Iоф зыщысшIагъэхэм професянальнэу ыкIи аматорэу Iамал къысаты, ащ сырэгушхо.

-О пцIэкIэ Лъэпкъ Къашъохэм кIуачIэ ахэзылъхьахэрэм зэкIэхэми, Дунае Къашъохэм Ямафэ пае (Мэлылъфэгъум и 29-рэр) тафэгушIо. Уахътэ къыхэпхи гущыIэгъу укъзэрэтфэхьугъэм фэшI тхьауегъэпсэу отэIо.

-Сэри, сыздэлэжьэрэ Налмэсым икъэшъуакIо скъошхэми ацIэкIэ шъопсэу шъосэIо. Къошъор, бзэ хэхыгъэкIэ цIфхэр зэзыщалIэу исскуствэм изыIахь. ЗэкIэхэри орэдым псэкIэ зыратыныщ къошъонхэу сафаджэ ыкIи къашъом зищыIэныгъэ езыпхыгъэу, професяналнэу, аматорэу къашъом зыкIуачIэ хэзылъхьарэ скъошхэм, синыбджэгъухэм, Мэлылъфэгъум и 29-рэм, Дунэе Къашъохэм ЯмафэкIэ сафэгушIо.

CEVAP VER

Lütfen yorumunuzu giriniz!
Lütfen isminizi buraya giriniz