Папюрюс тхылъ тедзапIэмрэ Жьынэпсрэ зэгъусэу «Сирие Черкесхэр / Францием и Агент Шам-Кунейтра 1935» зыфиIорэ ушэтынхэм атехыгъэ тхылъыр еджакIохэм аIэкIэхьагъ. КъокIыпIэ благъэм Черкесхэм чIыпIэу щыряIагъэр Францием и агент рапортхэм арыгъозэу тхыгъэ тхылъыр Джанан Баба тыркубзэм ригъэкIугъ.
1935-рэ илъэсым Францием Шам ыкIи Кунейтра щыригъкIокIыгъэ Iофыгъо шъэфэу зерихьагъэхэу Черкесхэр къызхиубытэрэ рапортхэм хэушъхьафыкIыгъэу афэгъахьыгъ. Рапортхэр, Дюрзихэмрэ Бэдиунхэмрэ афэдэу ащ исыгъэ лъэпкъхэмрэ Черкесхэмрэ язэфыщытыкIэ, зэрэзэпэуцугъэхэр, зэрэзэфэблыщтгъэхэр зэхифыгъэх, КъокIыпIэ благъэм Францием щызэрихьагъэ страдегический тхьагъэпцIыгъэм Черкесхэм ролэу щыряIагъэр, зыкIэдэугъэхэр зыфэбэнагъэхэр итхагъэх.
Француз агентсвэм инэплъэгъу итыгъэу, ынаIэ зытиридзагъэу КъокIыпIэ благъэм исыгъэ лъэпкъ зэфэшъхьафхэм язэфыщытыкIэ зэрыблагъэ ыкIи тарихь гъогоу къакIугъэр пшIэнымкIэ оегъэгъуазэ. Тхылъым, хьишъэм инэкIубгъохэр къызэIуихых, Черкесхэр егъэзыгъэкIэ зэрэгъэIыстагъэ адырэ хэгъэгухэм ыкIи шъолъырхэм зэрихьылIагъэхэ къиныгъохэр зэрэзэфэдэхэм унаIэ атыриогъадзэ.
Тхылъыр, исторический перспектив хэлъэу КъокIыпIэ благъэ ыкIи Кавказым фитыныгъэм зэрэщыфэбэнагъэхэр зышIэ зышIоигъо еджакIохэм апае гъуазэ лъэш.
