Герман Арџьениа ахацәа рыбжьара абокс азы Аладатәи Афедералтә Округ ачемпионат аҿы аиааира игеит.
Атурнир мҩаɳысуан рашәарамза 10-14 рзы Астрахан ақалақь аҿы. Уи еизнагеит Алада Урыстәыла иреиӷьу аспортсменцәа. Ахьтәы медал аиуразы Герман Арџьениа ҩ-еиндаҭларак мҩаɳигеит. Афиналбжа аҿы иара Севастопольтәи аспортсмен Кирилл Пономоренко дииааит, афинал аҿы астрахантәи аспортсмен Армен Оганесиан дииааит. Аҩ-еиндаҭларак аӡбаҩцәа еицҿакны ирыдыркылаз азыӡба ала Герман Арџьениа ииааирала ихыркәшахеит, ҳәа адырра ҟанаҵоит Аɳсны аҿари аспорти русқәа рзы Аҳәынҭқарратә Еилакы апресс-маҵзура. Ари аиааира аспортсмент Урыстәыла ачемпионат аҿы ақәгыларазы алшара инаҭоит. Герман Арџьениа азыҟаҵаҩцәа Едгар Қриеи Елизбар Џьологәуеи рааӡамҭа иоуп, уажәы иара дазыҟаиҵоит Гегам Гукасиан. (apsnypress)
