Bağımsızlık Demokrasi Özgürlük Eşitlik Birlik

Пэдысей

Пэдысейр хьэтыкъуей къуажэщ, Адыгейм къикIри кхъухькIэ Истамбыл къэкIуауэ щытащ. Ялова къалэм дагъэтIысхьат, ауэ абы дэсын ямыдэу, Румынымрэ Балкъанымрэ къикIа унагъуэ зыбжани зыщIагъури, Къайсэр къалэм кIуащ. Койунабдал, КулулукIэ зэджэ туркмэн жылэм щетIысэха щхьэкIэ, дэсхэм ягурымыIуэу, аргуэрым заIэтри ШорышэккIэ зэджэ иджырей я тIысыпIэм къэкIуахэщ 1866 -1868 гъэхэм.

Къуажэр зыухуар Пэдисыкхуэ Хъусенщ.

МэфэщIыкъуэ Исхьэкъ, МэфэщIыкъуэ Хьэжы-Исуф, Мэртэд Итик, Лакъей Жат сымэ Пэдисхэ я гъусэу къуажэр яухуащ.

Ар аушэр къуажэу щытащ, ауэ куэдрэ зэпэщIэувэурэ, аушэрхэр дагъэкIри, къуажэм ПэдысейкIэ еджэ хъуащ. Пэдисыкъуэм и уэркъхэр хигуашэри, «Шормышек» жыхуаIэ жылэм ит къуажэхэри Пэдисей къытехъукIащ. ДыгъэкъуэкIыпIэмкIэ Деведересирэ, Кушчу къуажэхэм, дыгъэпIэмкIэ абзэх къуажэ Панлы, дыгъэкъухьэпIэмкIэ Сывгын, Топсогъут, дыгъэмыхъуэмкIэ Кулулу къуажэхэмкIэ къэтIысыхьащ.

Къуажэр зыухуа Пэдис Хъусен и къуэхэщ Рыза, Джемал, Решад сымэ. Я анэр Сирием щыщ Бумбычхэ япхъущ.

Пэдысей къуажэр Къайсэр къалэм пэжыжьэщ 79.4 км, Азей районым – 36.30 км, Бунян районым – 36.70 км, Кайнар – 29.20 км. Къуажэр здэтIысар хуабжьу щIыпIэ дахэщ, ауэ нобэкIэ щыпсэу цIыхур мэщIэ дыдэ хъуащ, дэсахэр, я псэуныгъэр ирагъэфIэкIуэну, я быныр ирагъэджэну къалэшхуэхэм Iэпхъуэжащ. ЩIэныгъэфI зыгъуэта куэд къахэкIащ, абыхэм щыщу къуажэм, къэралым къулыкъущIэу щылажьэхэр мащIэкъым. Къалэшхуэ Iэпхъуэжахэми, я лъапсэм унэщIэ щрагъэщIауэ гъэмахуэм къуажэм зыгъэпсэхуакIуэ къэкIуэжурэ щыIэхэр куэд мэхъу, я хадэхэм йолэжьыхь.

Къуэжэдэсхэм Iэщ зэрахуэ, нэхъыбэм яIэр жэмщ, мэл зыгъэхъу яхэткъым.

ПсыщIэгъэхьэ щIы яIэщ, нартыху, джэрш хасэ, къэнами мэш халъхьэр.

Къуажэм цIэрыIуэу МэфэщIыкъуэ Осман, Енвар, Педис Рэшад, Лакъей Хьэсэн, МэфэщIыкьуэ Юджэл, Забит (Къайсэр къалэм и Хасэм и тхьэмадащ) дэсахэщ.

Догьэзэхуэж: 2021 Мазае мазэм къыдэкIэ номэр 9-м, Мэкэней (Aşağıkızılçevlik) къуажэр щыдгъэлъагъуэм Мэмей (Kunter) лъэпкъыр щыуагъэкIэ дымтхауэ къыщIэкIащ. Ар зэдгъэзэхуэжащ. Къытхуэвгъэгъу.

Yazarın Diğer Yazıları

Кlурашынхьаблэ/Тахьтакопру

Адыгэ/Къэбэрдеи къуажэ. Къуажэр 1859 гъэм хьэжым кlуэн я щхьэусыгъуэу Урысым къикlа пщы Хьэтlохъущокъуэ Гази и гъусэу Узняйлэм къэтlыса гупым къахэкlыу нобэ щыпсэу щlыпlэм къэтlыса...

Астемырей/Шерефие

Къэбэрдей къуажэщ. Къуажэр Урыс Япон зауэ нэужьым Кlэрэф Залымджэрий и гъусэу зауэм кlуэуэ зауэм къыхэкlыжа гупым Тэрчым псэупlэ щамыгъуэтым Тэрчыр я бгынэу къикlа...

Ерэнщхьар/Ореншехьир/Къундэтей

Узняйлэ Къэбэрдеи къуажэщ. Къуажэр 1859-ым хэкур ябгынэу къэкIуа къуажэхэм ящыщщ. Къуажэр ипэ дыдэ Къаракъуи къуажэм къэтIыса нэужь къуажэм къыхэкIри нобэрей я тIысыпIэм ищхьэкIэ Заманты...

Sosyal Medyalarımız

4,890BeğenenlerBeğen
1,353TakipçilerTakip Et
4,000TakipçilerTakip Et

Son Yazılar

- Advertisement -spot_img