Bağımsızlık Demokrasi Özgürlük Eşitlik Birlik

Байт – Iилман Юсупов

Кхин цхьа де а чекхдели сан, урчакх санна, хьийзаш, 

Эханг санна, адамаш а луьстуш шена тIе: 

Шайн боларшца, аматашца сан кхетамехь зийзаш 

Кхолламаш а болуш нехан, вац со паргIате. 

  

Малх чубуззуш сецна урчакх ас сайн кара ийци, 

Эзар ойла ечу цуьнан коьртах куьг хьаькхи. 

Шен темех, цатемех лаьцна цо соь дукха дийци, 

Дисиний-те аьлла хеттал бухахь дийца кхин. 

  

Къеста ца беш хийраниш я сайна бевза-безарш, 

Хеда ца деш, гулдалийти ас и синойн тай. 

Ас сайн даг чу дIадийшийти ша массеран дезарш, 

Сайн гIо оьшуш мел болчеран хабарш суна тай. 

  

Даим суна уьш хазийта шаьш ма-дарра шера, 

Дала хIоттош хилла тийналла а лаьтта тIехь. 

Ас сайн иэсехь Iалашйийр ю массо урчакх шеран, 

Уьш сайн хьийзаш мел ю лаьттар ву со царна хехь. 

  

Амма сайн денош тIе хьерча боьлча шийла Iеха, 

Цкъа мацца а сайн дахаран суна гур чаккхе. 

Дала тIаккха дIалур ду сан иэсехь IаьIна эханг 

Дуьне шена тIе луьстучу маьлхан урчакхе… 

Iилман Юсупов


Юсупов Iилман нохчийн поэт ву. Цо чекхъяьккхина Нохчийчохь юккъера школа а, А.А. Ждановн цIарах йолчу Ленинградан пачхьалкхан университетан историн факультет а. Белхаш бина школехь, газетийн а, журналийн а редакцешкахь, иштта Нохчийн Республикан Ичкерин дешаран а, Iилманан а министерствехь министран хьалхарчу гIовсан даржехь. Юсупов Iилман поэзин ворхI книгин автор ву: «Заманан мазлагIа» (1991), «Доьналлин маьждиг» (1997), «Иэсан гIу» (1999), «Нохчийн кхерч» (шведийн маттахь, 2011), «Илли а, мухIажаралла а» (гIазакхийн маттахь, 2015), «Хьан кхерчан суй» (2015), «Иэсаца къамел» (2016). Юсупов Iилманан байташ араюьйлу нохчийн, оьрсийн, украинхойн, болгархойн, шведийн, ингалсан, испанхойн меттанашкахь. 2001 шарахь дуьйна эмиграцехь ву иза. Карарчу хенахь Швецехь вехаш ву. 2015-чу шарахь Швецин пачхьалкхан яздархойн Союзо шен могIаршка дIаэцна Юсупов Iилман. 

Yazarın Diğer Yazıları

Etno Park’tan (Apsnı Park-Abhazya) kareler…

Geleneksel bir evden detaylar      

Иаҕан Дениз далырхит

Ҭырқәтәыла, Хәажәкырамза 31 Амҽыша аҽны алхрақәа рзы, збжьызҭиыз 48.256.117 алхҩы, хәы шқәса рзы аҭыҧынтәи наҧхгаҩцәа алырххьан. Алыхрақәа раамышьҭазь, аҿагылара ҟазҵаз рдҵаалара иахәаҧшыз Алхра Ҳаракы...

Ахақәыиҭра & Рирашье Ансамбл

Исҭанбул Аҧсуа Культура Хеидкылаҿы зҽазыҟаҵара иаҿу Ахақәыиҭра & Рирашье Ансамбл, 7 нтә 77 ахь ахҳәоны, Рашәарамза 8 амш, Қозиаҭаҕы Культура Сентр аҿы асцена иқәгылт.

Sosyal Medyalarımız

4,890BeğenenlerBeğen
1,353TakipçilerTakip Et
4,000TakipçilerTakip Et

Son Yazılar

- Advertisement -spot_img